Tá meas ag SUSI ar cheart an duine aonair chun príobháideachais agus déanann sé sonraí pearsanta a phróiseáil go slán agus faoi rún, i gcomhréir le reachtaíocht um chosaint sonraí.
Agus iarratas ar dheontas a dhéanamh, ba chóir d’iarratasóirí agus do pháirtithe eile atá bainteach lena n-iarratais, a dheimhniú gur léigh siad agus gur thuig siad Ráiteas SUSI um Chosaint Sonraí.
Cé Muid?
Tá an Scéim Deontas Mac Léinn, á riar ag Aonad SUSI de chuid Bhord Oideachais agus Oiliúna Chathair Bhaile Átha Cliath (CDETB), an t-údarás bronnta deontas, atá sonraithe ag An Aire Oideachais agus Scileanna, de réir an Achta um Thacaíocht do Mhic Léinn 2011. Is comhrialaitheoir sonraí é an CDETB i gcomhpháirt leis an Roinn Oideachais agus Scileanna, ar iarratais ar dheontais mhac léinn faoin Scéim Deontas Mac Léinn.
An t-Eolas a Chuireann tú faoinár mBráid: an dóigh a n-úsáideann muid é agus cé leo a roinntear é
Déanann SUSI próiseáil ar eolas, lena n-áirítear sonraí pearsanta a chuireann iarratasóirí ar dheontais faoinár mbráid, fúthu féin agus faoi pháirtithe eile ábhartha dá gcuid iarratas (a chuimsíonn tuismitheoirí, caomhnóirí dlíthiúla, céilí, páirtithe sibhialta, comhchónaitheoirí, leanaí cleithiúnacha agus daoine ábhartha eile) d’fhonn cáilitheacht iarratasóirí do dheontas mac léinn, a mheas.
Seo a leanas na catagóirí sonraí pearsanta ar a dhéanann SUSI próiseáil:
Comhroinnt Sonraí
Déanann SUSI sonraí a chomhroinnt le comhlachtaí agus le gníomhaireachtaí eile Rialtais faoi réir chomhaontuithe próiseála sonraí. Próiseáiltear na sonraí seo le haghaidh –
| Gníomhaireacht/ Comhlacht | Cuspóir | Eolas a chomhroinntear | Leagan amach |
|---|---|---|---|
| An Phríomh-Oifig Chlárúcháin (GRO) | Bailíochtú Náisiúntachta, Dáta Breithe, agus taifid bháis | Uimh. Thag. SUSI Uimh. PPS Céad ainm Sloinne Dáta Breithe Ainm na máthar roimh phósadh DOB Mother’s maiden name | Baisc |
| An Roinn Oideachais agus Scileanna | Bailíochtú Chónaitheachta (Bunachar Daltaí Meánscoile) Cáilitheacht do dheontas a shoiléiriú Léirmhíniú agus feidhmiú cruinn a chinntiú I dtaca leis an scéim deontais Soláthar Tacaíocht chuí airgeadais, a chinntiú Calaois a chosc agus a aimsiú, lena n-airítear soláthar faisnéise chun tacú le fiosrúcháin choiriúlachta nó le hionchúisimh Iniúchtaí a éascú | Gach eolas a bhaineann leis an iarratas | Baisce agus Rochtain Dhíreach |
| Na Coimisinéirí Ioncaim | Bailíochtú Ioncaim Calaois a chosc agus a aimsiú, lena n-airítear soláthar faisnéise chun tacú le fiosrúcháin choiriúlachta nó le hionchúisimh | Uimh. PPS Ainm BLIAIN Sonraí Ioncaim | Baisce |
| An Roinn Gnóthaí Fostaíochta agus Coimirce Sóisialaí | Bailíochtú Ioncaim Calaois a chosc agus a aimsiú, lena n-airítear soláthar faisnéise chun tacú le fiosrúcháin choiriúlachta nó le hionchúisimh | Uimh. PPS Data Breithe BLIAIN Teideal na hÍocaíochta Teidlíochtaí Eolas faoi Liúntais | Rochtain Dhíreach |
| An Roinn Gnóthaí Fostaíochta agus Coimirce Sóisialaí – MyGovID | Féiniúlacht a Dheimhniú Clárúchán agus rochtain ar chuntas SUSI ar líne a chur ar fáil Teagmháil le h-iarratasóir chun iarratas ar dheontas mac léinn a phróiseáil | Uimh. PPS Dáta Breithe Céad ainm Sloinne Seoladh Ríomhphoist Uimh. Ghuthai | Seirbhís Céadchomhartha Fíordheimhniúcháin (STS) agus Comhéadan Feidhmchláir fíor-ama (API) |
| An Roinn Talmhaíochta Bia agus Mara | Bailíochtú eolais nuair atá iarratasóirí ag fáil ioncam ón bhfeirmeoireacht Calaois a chosc agus a aimsiú, lena n-airítear soláthar eolais chun tacú le fiosrúcháin choiriúlachta nó le hionchúisimh | Uimh. Aitheantais an Ghnó Uimh. PPS Bliain Thagartha Teideal na híocaíochta Dátaí na n-íocaíochtaí | Baisce |
| An Roinn Dlí agus Cirt agus Comhionannais | Bailíochtú Saoránachta agus náisiúntachta | Ainm Uimh. Thag. SUSI ID Pearsanta ID Iarratais Uimh. Leagáide Cead fanacht sa Stát Dáta éaga an Cheada | Iarratais cás ar chás |
| An Roinn Tithíochta Pleanála agus Rialtas Áitiúil | Bailíochtú íocaíochtaí airithe Stáit | Ainm Uimh. Thag SUSI Seoladh Uimh. PPS Sonraí na n-Íocaíochtaí | Iarratais cás ar Chás |
| QQI (Dearbhú Cáilíochta gus Cáilíochtaí Éireann) | Dearbhú Cáilíochtaí agus/nó cáilíochtaí ionann ó dhlínsí eile | Uimh. Iarratais Teideal iomlán an chúrsa Ainm na hInstitiúide Bronnta Bliain a bhronnta Sonraí an Cheangaltáin Sonraí na ceiste Cóip den cháilíocht Leibhéal NFQ | Iarratais cás ar chás |
| An tÚdarás um Ardoideachas(HEA) | Bailíochtú agus dearbhú sonraí faoi chúlra acadúla an mhic léinn | Uimh. PPS Uimh. Thag. SUSI Dáta Breithe Leibhéal NFQ an chúrsa Teideal an chúrsa Bliain aisfhillte Bliain Bhronnadh na Céime An institiúid a bhronn an chéim | Baisce |
| Údaráis eile a bhronnann deontais (Údaráis Áitiúla agus Boird Oideachais agus Oiliúna) | Dearbhú agus bailíochtú maidir le tacaíocht dheontais roimhe | Ainm Dáta Breithe Uimh. PPS Méid na híocaíochta agus ainm | Baisce agus iarratais cas ar chás |
| HSE (TUSLA – an Ghníomhaireacht um Leanaí agus an Teaghlach) | Bailíochtú íocaíochtaí áirithe Stáit | Ainm Dáta Breithe Uimh. Thag SUSI Eolas faoi dhoiciméid atá riachtanach | Baisce |
| CAO- Lár-Oifig Iontrála | Fógra faoi áiteanna ar glacadh leo i gcoláistí | Uimh. Iarratais CAO Sloinne an Iarratasóra Céad ainm an iarratasóra Dáta Breithe an iarratasóra Cód CAO an chúrsa Leibhéal an Chúrsa Teideal an Chúrsa Ainm na hInstitiúide | Baisce |
| Institiúidí Faofa Breisoideachais agus Ardoideachais | Dearbhú go bhfuil an mac léinn cláraithe ar chúrsa faofa in institiúid fhaofa agus go bhfuil sé ag freastal air | Uimh. Thag. SUSI Cód an Choláiste Uimh. CAO Uimh. PPS Sloinne Céad ainm Dáta Breithe Aicme Céimí ID an mhic léinn Cód an chúrsa Sainchuntas an chúrsa Bliain an Chúrsa (anuraidh) Bliain an Chúrsa (I mbliana) Saghas Cúrsa Leibhéal an Chúrsa Incháilithe do Tháillí Saor in Aisce Ráta anuraidh Ráta i mbliana Ceatadán na dtáillí iníoctha Luach na dtáillí iníoctha Cláraithe agus ag dul ar aghaidh tinreamh an mhic léinn | Baisce |
| An Bord Achomhairc i leith Deontas Mac Léinn | Achomhairc chuig an Bord Achomhairc i leith Deontas Mac Léinn a phróiseáil agus a mheas | An t-eolas ar fad a bhaineann leis an iarratas . | Baisce |
| SOLAS | Bailíochtú agus dearbhú sonraí faoi chúlra acadúla an mhic léinn | Uimh. PPS Céad Ainm Sloinne Dáta Breithe Ainm an tSoláthróra Teideal an Chúrsa Spriocleibhéal an ghradaim Comhlacht Bronnadh an Cháilíochta Saghas Cúrsa Lánaimseartha/Páirtaimseartha Dáta tosaigh an fhoghlaimeora Dáta deiridh an fhoghlaimeora | Baisce |
| Abtran – soláthróir seirbhíse conartha seachfhoinseach do SUSI | Fo-phróiseáil ar iarratais ar dheontais agus ar íocaíochtaí, post isteach/amach, cóip chrua a dhéanamh de dhoiciméid, litreacha, ríomhphoist, meáin shóisialta agus glaonna teileafóin | An fhaisnéis ar fad a bhaineann leis an iarratas | Baisce, Rochtain Dhíreach agus iarratais cás ar chás |
Teagmháil
Úsáideann SUSI sonraí teagmhála agus aitheantais de chuid iarratasóirí ar dheontais agus de chuid pháirtithe eile bainteacha, chun na críche seo a leanas:
Cead
Níl cead de dhíth ar SUSI ó iarratasóirí nó ó dhaoine ábhartha eile d’iarratas, chun próiseáil a dhéanamh ar a gcuid sonraí, do chuspóir an bhonn reachtúil ar a ndéantar iarratais á riar.
Ní dhéanann SUSI cumarsáid dhíreach ach amháin le h-iarratasóirí ar dheontais, le haghaidh na cuspóirí seo agus is féidir go ndéanann siad cumarsáid chomh maith le h-iarratasóirí maidir le sonraí pearsanta na ndaoine eile ábhartha don iarratas.
Má bhíonn gá le duine eile ábhartha d’iarratas, nó le tríú páirtí, cumarsáid a dhéanamh le SUSI maidir leis na sonraí pearsanta seo, is féidir leis an iarratasóir agus le gach páirtí ábhartha eile, é sin a cheadú faoi mar a léirítear thíos maidir le láimhseáil fiosrúcháin.
Má bhíonn gá le hiarratasóir nó le páirtí eile ábhartha don iarratas, sonraí pearsanta a chur ar fáil do SUSI a bhaineann le duine nach bhfuil ábhartha don iarratas, ní mór don duine sin cead a thabhairt go díreach do SUSI trí fhoirm Údaraithe Tríú Páirtí (faoi mar a léirítear thíos maidir le láimhseáil fiosrúcháin) a chur isteach.
Má chuireann iarratasóir eolas ar fáil go bhfuil duine ábhartha don iarratas ina iarratasóir chomh maith, agus má cheadaíonn an dá iarratasóir do chrostagairt maidir lena gcuid iarratas sa chomhthéacs seo, déanfaidh SUSI crostagairt idir an dá iarratas, lena chinntiú go n-íocfaí aon teidlíocht mhéadaithe ar dheontas agus chun éifeachtacht agus seasmhacht a chinntiú maidir le próiseáil iarratas ar dheontais.
Féadann SUSI crostagairt a dhéanamh idir iarratais ar dheontais go ginearálta agus gan cead, d’fhonn iniúchta agus d’fhonn cosc agus aimsiú coiriúlachta.
Láimhseáil Fiosrúcháin
Stádas Iarratais, agus araile, Fiosrúcháin
Is féidir le hiarratasóirí agus le páirtithe ábhartha eile dul i dteagmháil lenár Deasc Tacaíochta do Mhic Léinn, chun stádas iarratais a fhiosrú agus chun a fháil amach faoi dhoiciméid nó faoi ghníomhaíochtaí atá riachtanach chun é a chur chun cinn.
Más rud é nach dteastaíonn ó pháirtí, faisnéis dá leithéid a nochtadh le páirtí eile, ní mór d’iarratasóirí é seo a chur in iúl do SUSI ionas gur féidir srianta cuí a chur i bhfeidhm ar bhonn cás ar chás.
Chun fiosrúcháin dá leithéid a éascú, déanfaidh SUSI plé leis na daoine bainteacha, maidir le stádas iarratais agus faoi dhoiciméid nó gníomhaíochtaí atá ag teastáil chun próiseáil a dhéanamh air. Cuirfidh foireann Deasc Tacaíochta SUSI ceisteanna dearbhaithe chun a chinntiú nach roinneann SUSI faisnéis ach amháin le páirtí ábhartha.
Sonraí Pearsanta a Phlé
Ní dhéanfaidh SUSI sonraí pearsanta de chuid páirtí ábhartha a phlé, le páirtithe ábhartha eile, nó le tríú páirtí lasmuigh den iarratas, gan cead uathu.
Má bhíonn gá le páirtí ábhartha eile d’iarratas nó tríú páirtí lasmuigh den iarratas, cumarsáid a dhéanamh le SUSI maidir leis na sonraí pearsanta seo, is féidir leis an iarratasóir agus le gach páirtí eile é seo a cheadú :
Rochtain, Ceartúchán, agus Léirscriosadh
De bhun reachtaíocht cosanta sonraí, is féidir le hindibhidiúil cóip dá gcuid sonraí pearsanta a choimeádann SUSI a rochtain nó a iarradh, nó is féidir leo iarradh ar SUSI ceartúchán a dhéanamh orthu, tríd an fhoirm um Iarratas Duine ar a Shonraí, a íoslódáil, a chomhlánú agus a chur isteach.
De réir riachtanais coimeádta sonraí, is féidir le hindibhidiúil iarradh ar SUSI na sonraí ata á gcóiméad acu a scrios sa chás nach bhfuil feidhm leo níos mó do na cuspóirí ar a ndearnadh próiseáil orthu.
Coiméad Sonraí agus Próiseáil
Coimeádann SUSI sonraí go slán, d’fhonn deontais a riar, d’fhonn iniúchta agus athbhreithnithe ar chásanna agus ní choimeádann siad sonraí níos faide ná mar is gá/ agus nó mar a éilíonn an dlí.
Is féidir go gcomhroinneann SUSI sonraí pearsanta le gníomhairí údaraithe nó le tríú páirtithe ar próiseálaithe sonraí iad a fheidhmíonn thar ceann SUSI d’fhonn deontais a riar, agus a dhéanann sonraí a phróiseáil go slán de réir a dtreoracha, trí ghaol conartha agus faoi réir chomhaontuithe próiseála sonraí. Leanann CDETB de bheith ina rialaitheoir sonraí ar na sonraí seo.
Is féidir le hiarratasóirí agus le páirtithe ábhartha eile dá n-iarratas, dul i dteagmháil le SUSI, nó le gníomhairí a fheidhmíonn ar a shon, ar an teileafón. Ar mhaithe le seirbhís ardchaighdeánach do chustaiméirí, a chinntiú, taifeadtar comhráití teileafóin d’fhonn traenáil foirne agus rialú cáilíochta agus chun sonraí na gcomhráite le SUSI a athbhreithniú agus a dhearbhú, más gá.
Má thoilíonn iarratasóirí nó páirtithe ábhartha eile dá n-iarratais, má ghlacann siad leis nó má iarrann siad ar SUSI dul i dteagmháil leo tríd an ríomhphost, is iad féin amháin atá freagrach as soláthar, slándáil agus sláine a gcuntas ríomhphoist a chinntiú. Ní bhíonn tarchur faisnéise via an idirlíon go hiomlán slán, agus dá bharr sin, cé go bhfuil bearta slándála réasúnta i bhfeidhm ag SUSI, ní féidir príobháideachas nó rúndacht eolais a sheoltar tríd an ríomhphost, a dhearbhú.
Slándáil
Stóráiltear sonraí a choimeádann SUSI, in áiseanna daingne, lena n-áirítear taifid ríomhaire agus páipéir. Cuireann SUSI cleachtais slándála cuí i bhfeidhm in éadan rochtain neamhúdaraithe ar, nó athrú, nó nochtadh nó léirscriosadh sonraí agus in éadan caillteanas nó léirscriosadh trí thimpiste. Cuirtear riachtanais slándála agus na bearta a theastaíonn chun na sonraí a chomhroinntear a chosaint, san áireamh sna comhaontuithe próiseála sonraí a dhéanann SUSI leis na daoine nó leis na comhlachtaí lena gcomhroinneann siad sonraí
Úsaid Fianáin
Is éard is fianáin ann ná comhaid bheaga téacs a chuirtear ar ríomhaire úsáideora nuair a thugann sé cuairt ar shuíomh gréasáin le haghaidh cuspóirí éagsúla. Féach See AllAboutCookies.org le haghaidh tuilleadh eolais faoi fhianáin agus conas iad a smachtú. Ní mór cead a fháil nuair nach mbíonn na fianáin riachtanach do sheirbhís aois na faisnéise atá á húsáid.
Úsáidtear fianáin ar shuíomh gréasáin SUSI agus ar an gcóras um iarratais ar dheontais. Tar éis d’úsáideoirí na leathanaigh slána d’iarratais https://grantsonline.ie), a rochtain, bíonn na fianáin a scríobhtar, riachtanach don tseirbhís aois faisnéise a chuireann SUSI ar fáil. Rialaíonn siad slándáil seisiúin na n-úsáideoirí, tacaíonn siad le socruithe rochtana d’úsáideoirí a bhfuil lagú radhairc orthu agus tacaíonn siad le haistriúchán ar an gcomhéadan úsáideora d’iarratais i nGaeilge.
This website uses cookies to give you the best experience. Agree by clicking the 'Accept' button.
