Cé a bhainfidh tairbhe as?

Gheobhaidh mic léinn ar bronnadh deontas cothabhála orthu don bhliain acadúil 2022/23 an íocaíocht seo lena n-áirítear mic léinn PLC, fochéime agus iarchéime a fhaigheann an Ráta Speisialta deontais.

Ní áirítear sa bheart seo mic léinn a fhaigheann tacaíocht i leith a dtáillí amháin.

Cé mhéad breise a gheobhaidh mic léinn incháilithe?

Mar atá leagtha amach sa tábla thíos, gheobhaidh mic léinn íocaíocht aonuaire arb ionann é agus íocaíocht mhíosúil dheontas cothabhála amháin ag leibhéil 2022.

Íocaíocht Chothabhála Breise Aonuaire

Cathain a gheobhaidh mic léinn incháilithe an íocaíocht?

Tá an íocaíocht aonuaire dlite le gach mac léinn incháilithe faoi dheireadh mhí na Nollag 2022.

Cé a bhainfidh tairbhe as?

Mic léinn iarchéime ar bronnadh deontas ranníocaíochta táillí iarchéime orthu.

Níl mic léinn iarchéime a fhaigheann an Ráta Speisialta deontais agus ranníocaíocht táillí suas le €6,270 san áireamh sa bheart seo.

Cé mhéad breise a gheobhaidh mic léinn incháilithe?

Gheobhaidh mic léinn incháilithe €1,000 breise i dtreo a ndeontas ranníocaíochta táillí iarchéime. 

Cathain a gheobhaidh mic léinn incháilithe an íocaíocht seo?

Íocfaidh SUSI an méid is airde go díreach le coláiste an mhic léinn.

Cé a bhainfidh tairbhe as?

Gach mac léinn ardoideachais atá incháilithe don tionscnamh táillí in aisce.

Cé mhéad breise a gheobhaidh mic léinn?

Íocfaidh SUSI an ráta is infheidhme le coláistí ar son na mac léinn ar bronnadh ranníocaíocht 100% mac léinn orthu.

Maidir le mic léinn ar bronnadh ranníocaíocht 50% mac léinn orthu, ciallóidh an laghdú gurb é an t-iarmhéid a íocfaidh siad lena gcoláiste ná €1,000 (laghdú de €500) don bhliain acadúil 2022/23. 

Cé a bhainfidh tairbhe as?

Gach sealbhóir deontas cothabhála.

Cé mhéad breise a gheobhaidh mic léinn incháilithe?

Ó Eanáir 2023, tiocfaidh méadú 14% ar rátaí an deontais chothabhála ar an Ráta Speisialta agus ar Bhanda 1 agus ardóidh gach ráta deontais cothabhála eile 10%.

Méadóidh na mic léinn sa bhliain acadúil reatha a n-íocaíochtaí deontais i leith Eanáir go Bealtaine 2023 go comhréireach nuair a thiocfaidh an beart seo i bhfeidhm in Eanáir 2023.

Ní dhéanfar na méaduithe seo a shiardhátú go dtí tús na bliana acadúla 2022/23.

Cathain a gheobhaidh mic léinn incháilithe an íocaíocht mhéadaithe?

Cuirfear tús leis an méadú seo ar bhonn bliantúil ó Eanáir 2023 maidir le híocaíochtaí ó Eanáir go Bealtaine 2023.