Conas d’Iarratas a Chealú
B’fhéidir go mbeadh ort d’iarratas a chealú sna cásanna seo a leanas, mar shampla:
- Níl tú ag freastal ar do choláiste/chúrsa agus tá sé seo deimhnithe agat roimh thús na bliana acadúla 2024/25;
- Tá tú ag éirí as/ag cur siar do chúrsa le linn na bliana acadúla 2024/25;
- Ní mór duit athiarratas a dhéanamh agus iarratas nua a dhéanamh faoi aicme iarrthóra dhifriúil nó de bhrí go raibh eolas tábhachtach fágtha ar lár agat, cosúil le sonraí do thuismitheoirí/do chaomhnóirí/do chéile.
Má fhágann tú do chúrsa i rith na bliana acadúla, ní mór duit SUSI a chur ar an eolas láithreach.
Más mian leat d’iarratas a chealú, lean na céimeanna seo a leanas.
- Logáil isteach ar thairseach mic léinn.
- Roghnaigh ‘M’Iarrataí’ ón leathanach baile.
- Comhlánaigh an t-iarratas cealaithe agus cuir d’ainm, uimhir W, seoladh r-phost agus cúis an chealaithe ar fáil.
- Má thosaigh tú an cúrsa ach ansin má chinn tú aistarraingt ón gcúrsa sin nó é a iarchur, cuir an dáta ar dhíchláraigh tú ón gcoláiste ar fáil.
- Brúigh an cnaipe “Cuir Isteach” chun an t-iarratas a sheoladh chuig SUSI.
Gheobhaidh tú litir chealaithe ó SUSI ag dearbhú go bhfuil d'iarratas curtha ar ceal.
Ní cinneadh inachomhairc é iarratas a chealú.
Ná déan dearmad ar na sonraí a theastaíonn uait chun logáil isteach ar thairseach mic léinn SUSI de bhrí go mbeidh siad ag teastáil uait amach anseo.
