Conas do Chinneadh Deontais a Athbhreithniú 

Mura bhfuil tú sásta le toradh d’iarratais deontais, is féidir leat athbhreithniú ar an gcinneadh a lorg bunaithe ar na pointí seo a leanas.

• Ráta Cóngarach/Neamhchóngarach (an fad idir an coláiste/an teach)
• Athmheasúnú ar Ioncam Iomlán do Theaghlaigh (má bhraitheann tú go ndearnadh measúnú mícheart air seo)
• Ráta Deontais Speisialta
• Athrú ar Chúinsí mar thoarah ar:

Cailleadh Fostaíochta/Laghdú Buan ar Thuarastal

Scor

Scor Gnó (má tá tú féinfhostaithe)

Stádas Náisiúntachta nó Inimirce

Líon na gcleithiúnaithe linbh a chónaíonn sa teaghlach

Tá siblín i mbun cúrsa breisoideachais nó ardoideachais

Athrú Cúrsa

Tháinig athrú ar do ghnátháit chónaithe bhuan

Iarr Athbhreithniú

Más mian leat athbhreithniú a iarraidh ar do chinneadh deontais, lean na céimeanna thíos.

• Logáil isteach ar thairseach mic léinn.
• Roghnaigh ‘M’Iarrataí’ ón leathanach baile.
• Roghnaigh ‘Athbhreithniú a dhéanamh ar an gCinneadh faoi do Dheontas’.
• Roghnaigh bliain acadúil.
• Roghnaigh forais athbhreithnithe agus tabhair cur síos iomlán ar an gcúis le hathbhreithniú.
• Uaslódáil aon doiciméid a d’fhéadfadh a bheith agat chun tacú le d’iarratas ar athbhreithniú (trí chomhad ar a mhéad). 
• Brúigh an cnaipe “Cuir Isteach” chun an t-iarratas a sheoladh chuig SUSI.

Gheobhaidh tú teachtaireacht ag dearbhú go bhfuil d'iarratas curtha isteach agus déanfar é a athbhreithniú in am trátha.

Má thagann athrú ar an gcinneadh bunaidh maidir le do dheontas ó d’athbhreithniú, cuirfear thú ar an eolas faoi seo agus déanfar na leasuithe cuí ar d’iarratas.

Mura dtagann aon athrú ar do chinneadh deontais bunaidh mar thoradh ar d’iarratas ar athbhreithniú, cuirfear é seo in iúl duit.