Deontas Ranníocaíochta Táillí Iarchéime suas le €5,000 chomh maith le deontas cothabhála.
Le bheith incháilithe don deontas ranníocaíochta táillí de suas le €5,000 chomh maith le deontas cothabhála, caithfidh ioncam iomlán an teaghlaigh a bheith laistigh de na tairseacha ioncaim
Deontas táillí teagaisc iarchéime de suas le €6,270 chomh maith le deontas cothabhála.
Chun an deontas táillí iarchéime chomh maith le deontas cothabhála a fháil, ní mór duit na critéir don Ráta Deontais Speisialta a chomhlíonadh;
- Ní mór duit a bheith incháilithe don ghnáthráta deontais;
- Níor cheart go sáródh d’ioncam iomlán ináirithe teaghlaigh na tairseacha ráta speisialta; agus
- Ar 31 Nollaig na bliana roimh d’iarratas, ní mór go n-áireofaí san ioncam teaghlaigh ináirithe íocaíocht fhadtéarmach incháilithe ón Roinn Coimirce Sóisialaí mar atá forordaithe sa Scéim Deontais Mac Léinn don bhliain ábhartha nó a coibhéis ó bhallstát den AE.
Deontas Ranníocaíochta Táillí Iarchéime suas le €5,000.
Le bheith incháilithe don deontas ranníocaíochta táillí suas le €5,000 caithfidh ioncam iomlán an teaghlaigh a bheith laistigh de na tairseacha ioncaim.
Is ranníocaíocht é an deontas cothabhála i dtreo chostais mhaireachtála ó lá go lá a íoctar go díreach le mic léinn incháilithe trí naoi dtráthchuid mhíosúla le linn na bliana acadúla.
Íoctar deontais chothabhála ag rátaí tadhlacha agus neamhthadhlacha. Íoctar an ráta tadhlach nuair a bhíonn mac léinn i gcoláiste atá níos lú ná 30 ciliméadar óna ghnátháit/gnátháit chónaithe. Íoctar an ráta neamhthadhlach nuair a bhíonn mac léinn i gcoláiste atá 30 ciliméadar nó níos mó óna ghnátháit/gnátháit chónaithe.
Níl mic léinn teagaisc agus mic léinn atá ag fáil Liúntas chun Filledh ar an Oideachas (LFO) incháilithe le haghaidh deontas cothabhála.
