Is é d’aicme iarratasóra a dheimhníonn cé leis a mbaineann an t-ioncam atá le ríomh chun críocha measúnaithe deontais. Tá trí chinn d’aicme iarratasóra ann:

• Mhac Léinn Cleithiúnach
• Mhac Léinn Cleithiúnach Aibí
• Mac Léinn Neamhspleách

Tá an ríomh ioncaim bunaithe ar an ollioncam ó gach foinse don bhliain féilire roimhe sin, ar a dtugtar an tréimhse thagartha.

Mar shampla, déantar na hiarratais 2024/25 a mheasúnú bunaithe ar an ollioncam ó gach foinse don tréimhse 1 Eanáir 2023 go dtí 31 Nollaig 2023. 

Áirítear san ollioncam an t-ioncam atá ann sula mbaintear cáin, agus ioncam ar a gcuirtear síos air mar saor ó cháin, cáin íoctha, ioncam nach dlitear aon cháin air, nó díolmhaithe ó cháin.

Nuair atáthar ag ríomh an bhfuil tú incháilithe le haghaidh deontais, féachann SUSI ar d’ioncam inríofa. Is éard atá i gceist le hioncam inríofa ná sciar de d’ollioncam, agus úsáidtear é chun a dheimhniú an bhfuil tú incháilithe chun maoiniú a fháil ó SUSI agus más amhlaidh go bhfuil tú, cad é an sórt maoinithe a bheadh i gceist.

Nuair atá d’iarratas á dhéanamh agat, beidh ort gach ceist i Mír F den fhoirm iarratas a chomhlanú. Baineann gach ceist sa mhír seo le hioncam.

Mura bhfuil tú cinnte cé acu ar cheart nó nár cheart ioncam áirithe a chur san áireamh i d’iarratas, ba chóir duit sonraí faoin ioncam sin a sholáthar san fhoirm iarratais.

D’fhéadfadh go bhfaigheadh SUSI sonraí ó na Coimisinéirí Ioncaim agus ón Roinn Coimirce Sóisialaí mar chúnamh le measúnú agus próiseáil d’iarratais ar dheontas. Tar éis don mheasúnú tosaigh ar d’iarratas a bheith tugtha chun críche, d’fhéadfadh go n-iarrfaí ort fianaise i leith d’ioncaim dhearbhaithe a sheoladh chuig SUSI i bhfoirm cáipéisí.

Nuair a bheidh ioncam á ríomh chun críocha measúnaithe deontais, áireofar an t-ioncam go léir atá ann laistigh agus taobh amuigh den Stát, lena n-áirítear an t-ioncam faoi na ceannteidil a leanas, agus d’fhéadfaí tuilleadh a bheith ann freisin:

• Ioncam ó fhostaíocht sochair chomhchineáil agus stiúrthóireachtaí san áireamh
• Íocaíochtaí leasa shóisialaigh lena n-áirítear an pinsean stáit leasa shóisialaigh
• Íocaíochtaí ó ranna rialtais nó gníomhaireachtaí stáit eile
• Féinfhostaíocht nó feirmeoireacht
• Ioncam cíosa nó ioncam eile ó thalamh nó réadmhaoin
• Ioncam ó phinsin
• Ioncam ó choigilteas, chuntais taisce agus infheistíochtaí
• Ioncam ó shocruithe cothaithe
• Íocaíochtaí cnapshuime ó scor agus iomarcaíocht
• Ioncam ó shócmhainní nó cearta a dhiúscairt
• Bronntanais agus oidhreacht
• Ioncam ó fhoinsí eile nach luaitear thuas

• Íocaíocht Aitheantais Iostais
• Liúntas Iarchúraim
• Sparánacht Fhoras Sláinte Adelaide - Aibí
• Liúntas Cothabhála Uchtála
• Scéim Scoláireachta Uile-Éireann
• Díbhinn Teaghlaigh um Fhilleadh ar Obair
• Pinsean na ndall (má íoctar leis an iarratasóir é)
• Seirbhísí Tacaíochta Caranua
• Liúntas Cúramóra
• Deontas Tacaíocht Cúramóra (sa chás go n-íoctar é faighteoirí an Liúntas Cúramóra agus Liúntas Cúram Baile)
• Sochar Linbh
• Sparánacht Oideachais um Leas Pobail d’Ospidéal Nua na Leanaí
• Cúiteamh as gortú pearsanta
• Costas an Liúntas Oideachais
• Deontas Éigeandála Aon Uaire COVID-19,
• Scéim Sparánachtaí Tríú Leibhéal na Roinne Breisoideachais agus Ardoideachais, Taighde, Nuálaíochta agus Eolaíochta
• Íocaíocht Forálacha Sealadacha - An Roinn Gnóthaí Fostaíochta agus Coimirce Sóisialaí (dá dtagraítear go minic mar an íocaíocht bhónas na Nollag)
• Íocaíochaí costais mhaireachtála na Roinne Coimirce Sóisialaí
• Liúntas Míchumais (má íoctar leis an iarratasóir é)
• Aisíocaíochtaí Muirir Uisce Tí
• Liúntas Cúram Baile
• Maoiniú Cuntas Díomhaoin do Rannpháirtíocht an Luch Siúil san Ardoicheachas
• Íocaíochtaí Riachtanais Eisceachtúla
• Liúntas Cúram Altrama
• Liúntas Brseola
• Deontas Tréimhse Foghlama Gaeltachta
• Íocaíocht Caomhnóra
• Pacáiste Sochair Teaghlaigh
• Íocaíocht Cúnaimh Tithíochta
• Liúntas Maireachtáil Neamhspleách do Dhaoine Óga faoi Chúram Cónaithe
• Aistriú Liúntas Cuardaitheora Poist (má íoctar leis an iarratasóir é)
• Ciste Scoláireachta Kickstart
• Liúntas Maireachtála Aonair,
• Liúntas Luaineachta (má íoctar leis an iarratasóir é)
• Forlíonadh Ús Morgáiste
• Íocaíochtaí Teaghlaigh Aontuismitheora (Tástáilte ó thaobh acmhainne) (má íoctar leis an iarratasóir é)
• Deontas Socrúchain Paindéime
• Íocaíocht Aitheantas Speisialta Paindéime
• Scéim Cóiríochta Cíosa
• Forlíonadh Cíosa
• Ciste Cúnaimh Mhic Léinn
• Deontas Mac léinn
• Deontas Mac léinn An Ghníomhaireacht un Leanaí agus an Teaghlach – NTRIS An Scéim Tacaíochta Fostaíochta
• Tusla - Tacaíocht Oideachasúil do Leanaí Faoi Chúram agus Sparánacht Iarchúraim
• Scoláireacht Chothrom na Féinne UCD
• Ollscoil - Sparánacht Ardoideachais d'Fhoghlaimeoirí Fásta
• Deontas Baintreachais nó Páirtnéara Shibhialta Mharthanaigh
• Iocaíocht do Theaghlaigh i bhfostaíocht/Forlíonadh Ioncam Teaghlaigh
• Scéim Íocaíochta na bhForas Máthair agus Leanbh - tagann neamhaird ioncaim i bhfeidhm sa bliain acadúil 24/25
• Tusla - Sparánacht d'Oibrithe Cúraim Shóisialaigh - tagann neamhaird ioncaim i bhfeidhm sa bliain acadúil 24/25
• Scoláireacht Tithíochta an Chomharchumainn - tagann neamhaird ioncaim i bhfeidhm sa bliain acadúil 24/25

Tuilleamh Saoire - Mic Léinn Lántaimseartha

Má d’oibrigh tú agus má rinne tú staidéar anuraidh, féadfaidh SUSI cuid de d’ioncam a tuilleadh lasmuigh d’am téarma a asbhaint chun do ráta deontais a fheabhsú.

• Don bhliain acadúil 24/25, is í an asbhaint uasta ná €7,925.
• Tugtar Tuilleamh Saoire air, agus bainfidh an asbhaint seo le hioncam a thuilltear le linn laethanta saoire na Cásca, an tSamhraidh agus na Nollag.
• Is féidir leat Tuilleamh Saoire a dhearbhú ar d’fhoirm iarratais SUSI agus má fheabhsaíonn sé seo do ráta deontais iarrfaimid doiciméid tacaíochta uait

Tuilleamh Mac Léinn – Mic Léinn Páirtaimseartha

Más cúrsa fochéime páirtaimseartha ceadaithe é do chúrsa agus gur oibrigh tú anuraidh, is féidir le SUSI roinnt de d’ioncam a asbhaint má tá tú incháilithe le haghaidh maoinithe mar thoradh air.

• Don bhliain acadúil 24/25, is í an asbhaint uasta ná €7,925.

Leanaí Cleithiúnacha

• Tagraíonn leanaí cleithiúnacha do líon na bpáistí eile sa teach atá spleách ar an iarratasóir agus/nó ar a dtuismitheoir(í)/gcaomhnóir(í), ar a gcéile, ar a bpáirtí sibhialta nó ar a gcomhchónaitheoir. Téann na tairseacha ioncaim inríofa i méid bunaithe ar líon na bpáistí cleithiúnacha.

Daoine Ábhartha sa Bhreisoideachas nó san Ardoideachas

• Sainítear duine ábhartha mar dhuine eile, laistigh den teaghlach, atá ag freastal ar chúrsa lánaimseartha sa Bhreisoideachas nó san Ardoideachas ag an am céanna is atá an t-iarratasóir ag freastail ar chúrsa. Is féidir na tairseacha ioncaim inríofa a choigeartú chun daoine ábhartha a chur san áireamh.

Tuilleadh asbhaintí ar féidir a dhéanamh, mar seo a leanas:

• (a) i ndáil le hioncam ón bhfostaíocht, costais a bhaineann leis an bhfostaíocht mar atá faofa ag na Coimisinéirí Ioncaim.
• (b) íocaíochtaí cothabhála a dhéantar le céile scartha faoi shocrú ar féidir é a chur i bhfeidhm de réir dlí, mar atá faofa ag na Coimisinéirí Ioncaim.
• (c) ranníocaíochtaí le scéimeanna pinsin agus pinsin nó táirgí scoir, íoctha sa tréimhse thagartha amháin, laistigh de na teorainneacha atá ceadaithe ag na Coimisinéirí Ioncaim.
• (d) íocaíochtaí ragoibre a tuilleadh sa tréimhse ábhartha nach íocaíochtaí tréimhsiúla iad.
• (e) speansais a éilítear faoin Scéim Taistil agus Cóiríochta do mhic léinn altraí agus cnáimhseach ar shocrúcháin éigeantacha, breis-uimhriúla de chleachtas cliniciúil, chomh maith leis an liúntas béile de €500 iníoctha le mic léinn altranais agus cnáimhseachais bhreise i mblianta 1 go 3 dá gcúrsa.
• (f) ioncam suas go huasmhéid €14,000 i leith Faoiseamh Seomra ar Cíos, a tuilleadh sa tréimhse tagartha amháin agus arna dhearbhú do na Coimisinéirí Ioncaim.

D’fhéadfadh go mbeimis in ann méideanna na n-íocaíochtaí thuas a dhearbhú go díreach leis na Coimisinéirí Ioncaim thar do cheann, ach iarrfaimid fianaise dhoiciméadach uaitse más gá, mar shampla, duillíní pá nó litir ó d’fhostóir.

Más cúrsa lánaimseartha é do chúrsa agus gur oibrigh tú agus má rinne tú staidéar air anuraidh, féadfaidh SUSI cuid de d’ioncam a tuilleadh lasmuigh d’am téarma a asbhaint chun do ráta deontais a fheabhsú.

• Don bhliain acadúil 24/25, is í an asbhaint uasta ná €7,925.
• Tugtar Tuilleamh Saoire air, agus bainfidh an asbhaint seo le hioncam a thuilltear le linn laethanta saoire na Cásca, an tSamhraidh agus na Nollag.  
• Is féidir leat Tuilleamh Saoire a dhearbhú ar d’fhoirm iarratais SUSI agus má fheabhsaíonn sé seo do ráta deontais iarrfaimid doiciméid tacaíochta uait.

Tairseach Ioncaim agus Rátaí Bronnta Deontais le haghaidh Cúrsaí Iar-Ardteistiméireachta

Táblaí Tairseacha Ioncaim agus Rátaí Deontais d’Fhochéimithe

Tairseacha Ioncaim Fochéime Páirtaimseartha agus Rátaí Dámhachtana

Tairseacha Ioncaim agus Rátaí Deontais do Mhic Léinn atá i mbun Staidéir lasmuigh den Stát

Táblaí Tairseacha Ioncaim agus Rátaí Deontais do Mhic Léinn Iarchéime