Critéir Náisiúntachta
Chun cistiú a fháil ó SUSI, ní mór gur náisiúnach Éireannach, an AE/an LEE, na Ríochta Aontaithe, nó Chónaidhm na hEilvéise thú.
Mura náisiúnach Éireannach, an AE/an LEE, na Ríochta Aontaithe nó Chónaidhm na hEilvéise atá i mac léinn, b’fhéidir go mbeidh sé/sí incháilithe chun cistiú a fháil faoin Reachtaíocht maidir le Deontas Mac Léinn má tugadh cead dóibh chun fanacht sa Stát, ón Roinn Dlí agus Cirt nó más ionann a stádas inimirce agus ceann amháin den mhéid a leanas:
Dídeanaí, dídeanaí cláir, athaontú teaghlaigh
- Dídeanaí nó duine eile atá i dteideal na gceart agus na bpribhléidí a shonraítear in alt 3 d’Acht na nDídeanaithe, 1996, de thuras na huaire, duine san áireamh a ndeonaítear dó nó di:
- cead chun an Stát a iontráil agus fanacht sa Stát mar dhídeanaí cláir faoi alt 24 den Acht sin, nó
- cead chun an Stát a iontráil agus cónaí sa Stát mar dhuine muinteartha le dídeanaí faoi alt 18 den Acht sin.
- Duine, de bhun an Achta um Chosaint Idirnáisiúnta, 2015:
- a dtugtar dearbhú dídeanaí dó nó di faoi alt 47(1) den Acht sin, nó
- dídeanaí cláir faoi alt 59 den Acht sin.
Cosaint choimhdeach
- Duine, de bhun Rialacháin na gComhphobal Eorpach (Incháilitheacht le haghaidh Cosanta), 2006 (I.R. Uimh. 518 de 2006) –
- ar chinn an tAire Dlí agus Cirt agus Athchóirithe Dlí ina leith go bhfuil sé nó sí cáilithe de thuras na huaire le haghaidh cosaint choimhdeach de bhun Rialachán 4 de na Rialacháin sin, nó
- dár dheonaigh an tAire Dlí agus Cirt agus Athchóirithe Dlí cead de thuras na huaire i scríbhinn chun an Stát a iontráil agus cónaí ann de bhun Rialachán 16 de na Rialacháin sin.
- Duine, de bhun Rialacháin an Aontais Eorpaigh (Cosaint Fhoghabhálach), 2013 (I.R. Uimh. 426 de 2013)-
- ar duine é atá incháilithe le haghaidh cosaint choimhdeach agus a bhfuil dearbhú cosanta coimhdí i bhfeidhm ina leith agus ar deonaíodh cead cónaithe dó laistigh den Stát de bhun na Rialachán sin; nó
- dár dheonaigh an tAire Dlí agus Cirt agus Comhionannais cead chun an Stát a iontráil agus cónaí ann de bhun Rialachán 25 de na Rialacháin sin; nó
- dár dheonaigh an tAire Dlí agus Cirt agus Comhionannais cead chun cónaí sa Stát de bhun Rialachán 26 de na Rialacháin sin.
- Duine a dtugtar dearbhú um chosaint choimhdeach dó nó di faoi alt 47(4) den Acht um Chosaint Idirnáisiúnta, 2015
Rialacháin na gComhphobal Eorpach (Saorghluaiseacht Daoine), 2006 agus 2008
- Duine ar duine muinteartha é/í le duine ar náisiúnach é –
- de Bhallstát de chuid an AE,
- de stát, ar stát conarthach é i gComhaontú an LEE
- de Chónaidhm na hEilvéise,
agus a bhfuil cead aige fanacht sa Stát mar dhuine muinteartha leis an duine sin faoi fhorálacha Rialacháin na gComhphobal Eorpach (Saorghluaiseacht Daoine), 2006 agus 2008 agus Treoir 2004/38/CE ó Pharlaimint na hEorpa agus ón gComhairle an 29 Aibreán 2004
Céile, páirtnéir sibhialta nó leanbh cleithiúnach de chuid náisiúnach Éireannach a chónaíonn sa Stát
Duine a bhfuil cead aige chun fanacht sa Stát
- de bhua dó nó di a bheith pósta le náisiúnach Éireannach a bhfuil cónaí air nó uirthi sa Stát, nó
- mar leanbh cleithiúnach le duine a thagann faoi réir fheidhm chlásal (i).
Cead Daonnúil agus cosaint idirnáisiúnta
- Duine ar dheonaigh tAire Dlí agus Cirt agus Comhionannais cead daonnúil dó nó di chun fanacht sa Stát faoi aon achtú atá i bhfeidhm de thuras na huaire.
- Duine ar deonaíodh cead dó nó di chun cónaí sa Stát faoi alt 49 den Acht um Chosaint Idirnáisiúnta, 2015.
Cinneadh gan an té a dhíbirt faoi alt 3 den Acht Inimirce, 1999
Duine a bhfuil cead tugtha ag an Aire Dlí agus Cirt agus Comhionannais ina leith fanacht i ndiaidh cinneadh a bheith déanta gan ordú díbeartha a dhéanamh faoi alt 3 den Acht Inimirce, 1999.
Leanbh cleithiúnach le saoránach Éireannach eadóirsithe a chónaíonn sa Stát
Duine a bhfuil cead aige / aici fanacht sa Stát mar leanbh cleithiúnach le duine a bhfuil Saoránacht Éireannach faighte aige nó aici mar gheall ar eadóirsiú, agus a chónaíonn sa Stát.
